Berichte

D Waldfee suecht de Frühlig!  (14. März 2009)

Und endlich isch es wieder mal en Samstig wo mer a d Sambucus gseht dur de Wald renne und lache.

Mir hend euis wie normal bim Bahnhof in Andelfinge troffe und alli sind cho, sogar öbert neuis! Mir froied euis jedes mal rissig über neuzuewuchs! =D

Den het d Junju afange verzelle, das sie e Postkarte zuegschickt becho het. Wo druf staht das d Waldfee hilf brucht, will sie de Frühlig nid find und will mir a grad de Frühlig am sueche sind hemmer denkt, machemer euis mal uf de Weg zu ihre. Mir sind alli zeme zum Schlosspark gloffe und hend det scho mega viil cooli sache gseh, Bächli, Brüggli und sogar Seeli mit drüü Goldfisch dine, wo aber leider nochli schüch gsi sind!

Und z hinterst im Park ufeme mega coole runde Bänkli hemmer den endlich euisi Waldfee gfunde. D Chind sind zerst chli mit respekt vor ihre gstande und hend sich nid getraut öbis z sege, als het d Waldfee gfreget öb mir a de Frühlig am sueche sind. Und den hend alli Ja gruefe. Sie het den e super Idee gha und het sich denkt, das mir am Frühlig chönd uf d Spuur gah, de Wald aber nid z fest verschrecked und durenand bringed, tarnemer euis es bizeli.

Und es het doch nid nur Fee im wald sondern a Zerge und Wichtel. Also hemmer euis gschminkt und cooli Zipfelchappe bastlet und die gschmückt! Sogar d Leiter sind vo talentierte Buzzli gschminkt worde! Wo alli parat gsi sind, hemmer euis den uf de Weg gmacht de Frühling go sueche, für das simmer ad Thur abe und leider hemmer a det nirgends en richtigeFrühlingsfunke gseh, als hemmer alles wo eusi chli an Frühlig erinneret het zeme gsammlet und ine Bluemebress da, das wird etz nemlich zwei Wuche bresst und de gits es Frülingsbuechli drus. Nachdem mir all schön flissig de Sevoia Sache bracht hend, hemmer natrülich richtig Hunger becho. Also hemmer's euis gmüetlich gmacht und z'Vieri gesse. Nachane hend alli nochli gspiilt, ob im Wald, Fangis oder Fotene. Nachane hemmer euis den langsam wieder uf de zrugweg gmacht, aber nid so wie mer cho sind, sondern de Thur nah und was hemmer det entdeckt, de Frühlig, mer hend Schneeglöggli gfunde, so schen! =D

Uf em Weg zum Bahnhof hemmer sogar no di gross Pfadi (Meitli und Buebe) gseh, hend alli mega froid gha!

Am Bahnhof acho, hend euis d Eltere scho aglached, wil mer so farbig gsi sind und denn hemmer euis vonenand verabschieded und mer hend froied euis mega uf nechst mal, nid wahr?

Für das Sambucus - Leiterteam
Junju

Mir gönd in Zoo...  (09. Mai 2009)

Hüt hemmer euis scho am 08:30 zAndelfinge am Bahnhof troffe. Well mir letscht mal sooo viel Tier wieder gfundä hend, het euis de Zoodirektor in Züri Zoo iihgladä.

So hemmer euis all sBilett gschnappet und sind mit em Zug an Züri HB gfahre. Da de Züri HB uuh gross isch und mir euis ja nid hend welle verlüüre hemmer euis all amene Seili festghebet und so zum Tram gloffe. S Tram het euis direkt vor de Zoo gfahre.

Im Zoo hets uuuh viel Tier gha, mer hend gar nid gwüsst wo ahfange mit luege. Den simmer aber zerst zu de Reptilie. CHurz druf abe hend den die einte scho sooo Hunger gha das mer e grossi Z'mittag Pause iihgleit hend. Wo mer den alli satt gsi sind, simmer wiiter zu de nechste Tier gange. Underwegs hemmer immer wieder Pfaue ahtroffe du bi de Affe hemmer sogar selber chönä luege wie viel Chraft das es bruucht zum so schnell es Seili ufezchlettere.

Wo mer den doch scho es Wiili underwegs gsi sind, hemmer de Streichelzoo erreicht. Imene Teich hets Fisch gha. De Luca het di natürli unbedingt müäse go ahlange. Aber di hend das gar nid gern gha und hend panz schnell mit de Flosse gschwaderet. Da isch de Luca grad uuh fest verschrocke und mir hend all müäse Lache. Denn simmer wiiter zu de Geisse. S Het ganz viel Jungi gha und mir hends chöne bürste und füätere. Den hemmer den scho fasch chli müüse päsiere damits euis na glanget het zum id Masoala - Halle z gha. Damit mer schneller gsi sind, simmer all zeme ganz e grossi seili Rutschbahn durab gflitzt. I de Masoala - Halle isches uuh heiss und füächt gsi. Me het fasch nid chöne schnuufe. Defür hemmer den es Chamäleon und Rieseschildchrote gseh.

Den simmer scho glie wieder mit em Seili zum Tram gloffe und an Züri HB gange und vo dete mit em Zug wieder hei. Wo mer den wieder in Andelfinge gsi sind, sind all so müäd gsi, das mer grad hei und is Bett sind. 

Für das Sambucus - Leiterteam
Junju